Suluk Si'ir Tanpo waton

astagfirullah robbal baroya… astagfirulloh minal khootooya… robbi zidni ilmannaafii’ah… wawaffikni amalansolihah… yarosulalloh salammunalaik… yaarofiasaaniwaddaaroji… atfataiyazi rotal aalaamin… yauuhailaljuu diwaalkaromi… yauuhailaljuuu diwalkaromi…
Ngawiti ingsun nglarasa syi’iran
Kelawan muji maring
Kang paring rohmat lan
Rino wengine tanpo petungan
Duh bolo konco priyo wanito
Ojo mung ngaji syariat bloko
Gur pinter ndongeng nulis lan moco
Tembe mburine bakal sengsoro
Akeh kang apal Qur’an haditse
Seneng ngafirke marang liyane
Kafire dewe dak digatekke
Yen isih kotor ati akale
Gampang kabujuk nafsu angkoro
Ing pepaes gebyare ndunyo
Iri lan meri sugihe tonggo
Mulo atine peteng lan nisto
Ayo sedulur jo nglaleake
Wajibe ngaji sak pranatane
Nggo ngandelake iman tauhide
Bagus sangu mulyo matine
Kang aran soleh bagus atine
Kerono mapan seri ngelmune
Laku thoriqot lan ma’rifate
Ugo hakikot manjing rasane
Alquran qodim wahyu minulyo
Tanpo ditulis biso diwoco
Iku wejangan guru waskito
Den tancepake ing jero dodo
Kumantil ati lan pikiran
Mrasuk ing badan kabeh jeroan
Mu’jizat rosul dadi pedoman
Minongko dalan manjing iman
Kelawan alloh kang moho suci
Kudu rangkulan rino lan wengi
Ditirakati diriyadohi
Dzikir lan suluk jo nganti lali
Uripe ayem rumongso aman
Dununge roso tondo yen iman
Sabar nerimo najan pas pasan
Kabeh tinakdir saking pengeran
Kelawan konco dulur lan tonggo
Kang padho rukun ojo dursila
Iku sunahe rasul kang mulya
Nabi muhammad panutan kito
Ayo anglakoni sakabehane
Allah kang ngangkat drajate
Senajan ashor toto dhohire
Ananging mulyo maqom drajate
Lamun palarasto ing pungkasane
Ora kesasar roh lan sukmane
Den gadang Allah swargo manggone
Utuh mayite ugo ulese
yarosulalloh salammunalaik… yaarofiasaaniwaddaaroji… atfataiyyaji rotal aalaamin… yauuhailaljuu diwaalkaromi… yauuhailalzuuu diwalkaromi…